یوم پاکستان پرصدرپاکستان اور وزیراعظم کا پیغام

اسلام آباد : صدر پاکستان ڈاکٹرعارف علوی اور وزیراعظم عمران خان نے یوم پاکستان پر اپنے پیغام میں کہا کہ 23 مارچ ہماری ملی تاریخ کا عظیم دن ہے۔

تفصیلات کےمطابق ملک بھرمیں یوم پاکستان ملی جوش و جذبے سے منایا جا رہا ہے، اسلام آباد میں دن کا آغاز اکتیس اور صوبائی دارالحکومتوں میں اکیس،اکیس توپوں کی سلامی سے ہوا۔

صدرمملکت نے یوم پاکستان کے پُروقار موقع پر قوم کے نام اپنے پیغام میں کہا ہے کہ ہم نے دہشت گردی کے خلاف مثالی کامیابی حاصل کی۔

ڈاکٹرعارف علوی نے کہا کہ ہم جمہوریت، انصاف اورامن کے لئے پُرعزم ہیں، ملک کی ترقی اورخوشحالی کے لیے ہمیں مزید محنت درکار ہے۔

دوسری جانب یوم پاکستان کے موقع پر وزیراعظم عمران خان نے اپنے پیغام میں کہا کہ 23 مارچ ہماری ملی تاریخ کا عظیم دن ہے، آج کے دن مسلمانانِ ہند نے اپنی منزل کا تعین کیا۔

انہوں نے کہا کہ اللہ تعالیٰ کا شکرہے پاکستان کا دفاع ناقابل تسخیرہوچکا ہے، ہمیں اپنی بہادرمسلح افواج پرفخرہے۔

ملک بھرمیں یوم پاکستان ملی جوش وجذبے سے منایا جا رہا ہے

وزیراعظم پاکستان نے کہا کہ مقبوضہ وادی میں کشمیری بھارت کی ریاستی دہشت گردی کا شکارہیں، آج کے دن ہمیں اپنے کشمیری بھائیوں کو ہرگزنہیں بھولنا۔

عمران خان نے کہا کہ مقبوضہ کشمیرکےغیورعوام سے بھرپوراظہاریکجہتی کرتے ہیں، کشمیری عوام کی قربانیوں کوسلام پیش کرتے ہیں۔

وزیراعظم پاکستان نے اپنے پیغام میں کہا کہ کشمیریوں کے حق خودارادیت کے حصول کی حمایت جاری رکھیں گے۔

The post یوم پاکستان پرصدرپاکستان اور وزیراعظم کا پیغام appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2HJSVRP
via IFTTT