سڈنی: آسٹریلوی کھلاڑی میتھیو ویڈ نے ناممکن کیچ پکڑ کو سب کو حیران کردیا، مداحوں نے انہیں ’سپر مین‘ کا لقب دے دیا۔
تفصیلات کے مطابق کیچز تو آپ نے بہت دیکھے ہوں گے لیکن ایسا کیچ بہت کم دیکھنے کو ملتا ہے، آسٹریلیا میں کھیلی جانے والی ڈومیسٹک لیگ شیفلڈ شیلڈ میچ میں میتھیو ویڈ نے منفرد کیچ پکر کر سب کو حیران کردیا۔
ویڈیو میں دیکھا جاسکتا ہے کہ سلپ میں کھڑے کھلاڑی نے کیچ پکڑنے کی کوشش کی تو بال ہاتھ سے نکل گئی، میتھیو ویڈ نے پھرتی دکھاتے ہوئے فوری کیچ تھام لیا۔
Matthew Wade can do no wrong this season! #WeAreTigers #SheffieldShield #TASvWA pic.twitter.com/cxZBJvyGMW
— Cricket Tasmania (@crickettas) March 20, 2019
نیو ساؤتھ ویلز کے اوپننگ بلے باز ڈینئل ہیوج ناممکن کیچ تھامنے پر حیران رہ گئے اور کچھ دیر تک کریز پر کھڑے رہے پھر انہیں یقین ہوا کہ وہ واقعی آؤٹ ہوچکے ہیں۔
ڈومیسٹک میچ ساؤتھ ویلز اور تسمانیا کے درمیان ہوبارٹ کے میدان میں کھیلا جارہا تھا جس میں میتھیو ویڈ تسمانیا کی نمائندگی کررہے ہیں۔
واضح رہے کہ عام طور پر میتھیو ویڈ آسٹریلیا کی انٹرنیشنل ٹیم میں وکٹ کیپر کے فرائض انجام دیتے ہیں لیکن تسمانیہ کی نمائندگی کرتے ہوئے ویڈ فرسٹ سلپ میں فیلڈنگ کررہے تھے۔
سماجی رابطے کی ویب سائٹ پر ویڈ کے کیچ کو بے حد سراہا جارہا ہے، ایک مداح نے انہیں سپر مین کا خطاب دے دیا۔
یاد رہے کہ تسمانیہ سے کھیلتے ہوئے میتھیو ویڈ نے حال ہی میں شاندار سنچری اسکور کی تھی اور ٹیم کو بحران سے نکالنے میں اہم کردار ادا کیا تھا۔
The post آسٹریلوی کھلاڑی میتھیو ویڈ نے ناممکن کیچ پکڑ کر سب کو حیران کردیا appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2FusXz5
via IFTTT
No comments:
Post a Comment