لاہور میں لیڈی ہیلتھ ورکز کا دھرنا چوتھے روز بھی جاری

لاہور: صوبہ پنجاب کے دارالحکومت لاہور میں لیڈی ہیلتھ ورکز کا دھرنا آج چوتھے روز بھی جاری ہے۔

تفصیلات کے مطابق لاہور میں مال روڈ پر لیڈی ہیلتھ ورکز کا دھرنا آج چوتھے روز بھی جاری ہے جس کے باعث ٹریفک متاثر ہونے سے شہری پریشان ہیں۔

لیڈی ہیلتھ ورکرز کی جانب سے تنخواہیں بڑھانے سمیت دیگر مطالبات منظور کروانے کے لیے دھرنا دیا جا رہا ہے، احتجاج میں شریک خواتین نے گزشتہ رات بھی کھلے آسمان تلے گزاری۔

مظاہرین سے مذاکرات کے لیے گزشتہ روز ڈی جی ہیلتھ نے بات چیت کی تھی تاہم نوٹی فکیشن جاری نہ ہونے پر شرکاء نے دھرنا ختم کرنے سے انکار کردیا تھا۔

لیڈی ہیلتھ ورکز نے پنجاب حکومت سے ریٹائرڈ مافیا سے نجات، اسکیل اپ گریڈیشن، سابقہ سروس کو شامل کرنا اور دائینگ کیڈر جیسے مطالبات کیے ہیں۔

یاد رہے کہ گزشتہ سال مارچ میں بھی لیڈی ہیلتھ ورکرز نے مطالبات کی منظوری کے لیے مال روڈ ، چیئرنگ کراس پر پانچ روزہ دھرنا دیا تھا۔

سیکریٹری ہیلتھ علی جان خان نے مذاکرات کیے جو کامیاب ہوگئے تھے جس کے بعد لیڈی ہیلتھ ورکرز کی صدر رخسانہ انور نے دھرنا ختم کرنے کا اعلان کیا تھا۔

The post لاہور میں لیڈی ہیلتھ ورکز کا دھرنا چوتھے روز بھی جاری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2HIQjn3
via IFTTT