لاہور : سابق وزیراعظم نواز شریف سے کوٹ لکھپت جیل میں ملاقات کے بعد مریم نواز نے ٹویٹ کیا ہے کہ نوازشریف کےگردوں کا مرض اسٹیج تھری تک پہنچ چکا ہے اور بازو میں بھی بدستور تکلیف ہے۔
تفصیلات کے مطابق سابق وزیراعظم نواز شریف کی صاحبزادی مریم نواز نے سماجی رابطے کی ویب سائٹ ٹوئٹر پر اپنے بیان میں کہا آج جیل میں نوازشریف سےملاقات ہوئی، نوازشریف کےگردوں کامرض مزیدبڑھ گیاہے، گزشتہ روزگردوں کے ٹیسٹ کےنتائج ٹھیک نہین آئے۔
مریم نواز کا کہنا تھا نوازشریف کےگردوں کا مرض اسٹیج تھری تک پہنچ چکا ہے اور ان کے بازو میں بدستور تکلیف ہے۔
Just got back after meeting MNS. His doctor’s concern was not unfounded. The blood tests done yesterday reveal a further raise in his CREATININE levels which means his kidney function has deteriorated. His kidney disease is already at stage 3. The pain in the flanks persists. pic.twitter.com/5kdSLKxjTG
— Maryam Nawaz Sharif (@MaryamNSharif) March 23, 2019
اس سے قبل مریم نواز اپنے والد نواز شریف سے ملاقات کیلئے کوٹ لکھپت جیل پہنچیں تو نون لیگی کارکنان نے ان کا زبردست استقبال کیا اور نعرہ بازی کی۔ کارکنوں نے مریم نواز کی گاڑی پر پھولوں کی پتیاں نچھاور کیں اور ڈھول کی تھاپ پر بھنگڑا بھی ڈالا۔
کارکن مریم نواز کے ساتھ پولیس رکاوٹیں توڑتے ہوئے جیل کی طرف چل پڑے تو جیل انتظامیہ نے مریم نواز کو کارکنوں کے ساتھ آنے پر اندر جانے سے روک دیا، جیل حکام نے مریم نواز کو کہا کہ وہ کارکنوں کو واپس بھیجیں ورنہ انہیں بھی اندر نہیں جانے دیا جائے گا۔
مزید پڑھیں : مریم نواز کی کوٹ لکھپت جیل میں نواز شریف سے ملاقات ، ن لیگی کارکنوں کی ہلڑ بازی
جس کے بعد مریم نواز نے کارکنوں کو واپس بھیج دیا اور خود ملاقات کیلئے چلی گئیں۔
اس دوران جیل کے باہر نون لیگی کارکنان نے ہلڑ بازی شروع کر دی، ٹریفک جام ہو گئی اور گاڑیوں کی لمبی قطاریں لگ گئیں جبکہ مظاہرین نے جیل کے باہر کھڑی گاڑیوں کے شیشے اتار لئے۔
مسلم لیگی کارکنان نے کراچی سے آنے والی ٹرین بھی روک لی، گلو بٹ سمیت متعدد کارکنان انجن پر چڑھ گئے، سیلفیاں بنائیں جبکہ مسافروں سے بھی چھیڑ خانی کرتے رہے، لیگی کارکنوں نے ٹرین کو پندرہ منٹ تک روکے رکھا جبکہ موقع پر موجود سکیورٹی اہلکاروں نے کوئی ایکشن نہیں لیا۔
مریم نواز والد سے ملاقات کے بعد سیکورٹی کے ہمراہ جیل کے دوسرے گیٹ سے نکل گئیں اور کارکنان ان کی راہ دیکھتے رہ گئے۔
The post نواز شریف کے گردوں کا مرض اسٹیج تھری تک پہنچ چکا ہے، مریم نواز appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2WfHDZq
via IFTTT
No comments:
Post a Comment