کراچی : نو عمر کمسن بچے موٹر سائیکلیں چُراتے ہوئے پکڑے گئے، پولیس نے مسروقہ موٹرسائیکلیں خریدنے والے مکینک کو بھی گرفتار کرلیا۔
تفصیلات کے مطابق کراچی میں جرائم پیشہ افراد بچوں کا استعمال کرنے لگے، ملزمان نے بچوں کو بھی اپنے مکروہ دھندے پر لگادیا۔ کراچی کے علاقے کلفٹن اور دیگر مقامات میں موٹر سائیکل چوری کی پے در پے وارداتوں پر پولیس حرکت میں آگئی۔
دس سال کے موٹرسائیکل لفٹر بچوں کو کلفٹن پولیس نے سی سی ٹی وی کی مدد سے گرفتارکرلیا۔ بچوں کی نشاندہی پرمکینک بھی پکڑاگیا۔ دس سالہ شاہد اور سلیمان مہارت سے گھروں کے باہر کھڑی موٹرسائیکلوں کا لاک کھولتے اور باآسانی لے کر فرار ہوجاتے۔
پولیس کے مطابق ملزم بچوں نے اب تک چار موٹرسائیکلیں چوری کیں جن میں سے تین برآمد کر لی گئیں ہیں۔ پولیس حکام کا مزید کہنا ہے کہ بچوں کی نشاندہی پر چوری شدہ موٹرسائیکلیں خریدنے والے صدام نامی مکینک کو بھی دھر لیا گیا ہے۔
اس حوالے سے ایس ایس پی کلفٹن سوہائے عزیز نے میڈیا کو بتایا کہ کارروائی سی سی ٹی وی فوٹیج کی مدد سے کی گئی، مزید تفتیش جاری ہے۔
The post کراچی : کلفٹن سے10سالہ موٹرسائیکل لفٹر دو بچے اور مکینک گرفتار appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar http://bit.ly/2UI4X4T
via IFTTT
No comments:
Post a Comment