پاکستان میں سمندر میں تیل و گیس کے ذخائر کی تلاش میں بڑی کامیابی

اسلام آباد : پاکستان میں سمندر میں تیل و گیس کے ذخائر کی تلاش میں بڑی کامیابی مل گئی ، ڈرلنگ کا کام آخری مراحل میں داخل ہوگیا ہے ، ایگزون موبل حاصل نتائج کی رپورٹ وزیر اعظم کوپیش کرے گی۔

تفصیلات کے مطابق کراچی کی ساحلی پٹی پر جاری کیکڑاا ون پروجیکٹ میں اہم پیش رفت سامنے آئی ، اصل ذخایر کیلئے جاری ڈرلنگ کا کام آخری مراحل میں داخل ہوگیا ہے ، ڈرلنگ کا کام 5ہزار میٹر تک مکمل کرلیاگیا ہے۔

ذرائع کا کہنا ہے وزیراعظم تک رپورٹ پہنچانے کی تیاریاں کرلی گئی ہے، ایگزون موبل حاصل کردہ نتائج کی رپورٹ وزیر اعظم کو پیش کرے گی۔

کھدائی میں مدر رگ شپ ( سکس جنریشن الٹرا) اور سپلائی ویسلز نےکام سرانجام دیا گیا ، ایگزون موبل کے ساتھ پی پی ایل، اوجی ڈی سی ایل اورای این آئی ڈرلنگ کے عمل میں شریک ہیں۔

گذشتہ روز توانائی سیکٹر کےعالمی تحقیقاتی ادارےریسٹاڈ انرجی نےرپورٹ جاری کی تھی ، جس میں کہا گیا تھا پاکستان کےسمندرسےممکنہ دریافت3بڑی متوقع تیل دریافتوں میں شامل ہیں جبکہ دیگر دو بڑی دریافتیں میکسیکو اور برازیل میں ہونے کا امکان ہے۔

پاکستان کے آف شور تیل کے کنویں سےڈیڑھ ارب بیرل پیداوارمتوقع ہے، تینوں دریافتیں2014سےاب تک کی سب سےبڑی دریافت ہوں گی۔

مزید پڑھیں : تیل و گیس کے ذخائر: چند دنوں میں قوم کو بڑی خوشخبری ملنے والی ہے، عمران خان

یاد رہے وزیراعظم عمران خان نے بھی صحافیوں کے ساتھ ملاقات میں کہا تھا چند دنوں میں قوم کو بڑی خوشخبری ملے گی، ماہرین معدنیات کراچی میں زیر سمندر تیل اور گیس کی تلاش جاری رکھے ہوئے ہیں، امید ہے تین ہفتوں کے بعد تیل اور گیس کا ذخیرہ دریافت ہو جائے گا اور ہم قوم کو خوشخبری دیں گے۔

انہوں نے اپیل کی کہ قوم بھی اس کی کامیابی کئیے دعا کرے، یہ دریافت ملک کی تقدیر بدل دے۔

گزشتہ سال پاکستان تقریبا 17ارب ڈالر تیل کی امپورٹ پر خرچ کرچکا ہے۔

The post پاکستان میں سمندر میں تیل و گیس کے ذخائر کی تلاش میں بڑی کامیابی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2v1YlQh
via IFTTT