امریکی صدر کی عرب ممالک کے تیل پر نظر

ریاض: سعودی عرب نے امریکا سے مطالبہ کیا ہے کہ وہ ایران کے گرد مزید گھیرا تنگ کرے اور پابندیوں کے ذریعے مشرقی وسطیٰ میں اس کی رسائی کم کی جائے۔

تفصیلات کے مطابق سعودی عرب سمیت امریکا کے اتحادی ممالک الزام عائد کرتے ہیں کہ مشرقی وسطیٰ میں دہشت گردی کی وجہ ایران ہے، جو دہشت گروں کو سپورٹ فراہم کرتا ہے۔

غیر ملکی خبر ساں ادارے کا کہنا ہے کہ سعودی عرب نے امریکی حکام سے مطالبہ کیا ہے کہ ایران پر مزید پابندیاں عائد کی جائیں تاکہ دہشت گردانہ سرگرمیوں کے گرد گھیرا تنگ ہوجائے۔

سعودی وزیر خارجہ ابراہیم العساف کا کہنا ہے کہ ایران پر بین الاقوامی دباؤ بڑھانا اس لیے ضروری ہے کہ وہ ہمسایہ ممالک میں مداخلت کا سلسلہ ختم کر دے۔

ان کا مزید کہنا تھا کہ ایران حکومت پر بین الاقوامی دباؤ کی ضرورت اس لیے بھی ہے کہ وہ اپنی عدم استحکام کی پالیسیوں اور دہشت گردی کی حمایت ترک کر دے۔

سعودی حکام نے اس بات کی یقین دہانی کرائی ہے کہ امریکا کی جانب سے ایرانی تیل خریدنے والے ممالک کو استثنیٰ میں اضافہ نہ دینے سے کوئی فرق نہیں پڑے گا، سعودی عرب تیل کی عالمی منڈی کو غیرمستحکم ہونے نہیں دے گا۔

امریکی صدر کی عرب ممالک کے تیل پر نظر

خیال رہے کہ ریاض حکومت کا یہ بیان ایسے وقت پر سامنے آیا ہے، جب امریکا نے ایرانی تیل خریدنے والے ممالک کو دیے گئے استثنیٰ میں اضافے سے انکار کر دیا ہے۔

The post ایران پر مزید دباؤ بڑھایا جائے، سعودی عرب کا امریکا سے مطالبہ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2ICOCJi
via IFTTT