کراچی سے ماڈلنگ کے لیے لاہور آنے والی لڑکی قتل

لاہور: کراچی سے ماڈلنگ کے لیے لاہور آنے والی 22 سالہ لڑکی کو قتل کردیا گیا، لڑکی کو اسپتال چھوڑ کر فرار ہونے والے 3 لڑکوں کے خلاف مقدمہ درج کرلیا گیا۔

تفصیلات کے مطابق کراچی سے ماڈلنگ کے لیے لاہور آنے والی 22 سالہ لڑکی کو قتل کردیا گیا، مقتولہ کی شناخت اقرا سعید کے نام سے ہوئی ہے، لڑکی کو اسپتال چھوڑ کر فرار ہونے والے 3 لڑکوں کے خلاف مقدمہ درج کرکے تحقیقات کا آغاز کردیا گیا ہے۔

پولیس کے مطابق لڑکی کی لاش دو دن پہلے شاہدرہ سے ملی، ملزمان نے لڑکی کو نشہ آور چیز بھی کھلائی، ملزمان میں حسن، عمر اور عثمان شامل ہیں۔

مقتولہ کے والدین کا کہنا ہے کہ اقرا ناراض ہو کر گھر چھوڑ کر چلی گئی تھی۔

پولیس کا کہنا ہے کہ مقتولہ کے والد کو کراچی سے بلایا گیا ہے، مقتولہ کی پوسٹ مارٹم رپورٹ آنے کے بعد حقائق واضح ہوں گے۔

The post کراچی سے ماڈلنگ کے لیے لاہور آنے والی لڑکی قتل appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2P1MgUq
via IFTTT