تجارت اور سرمایہ کاری میں اضافہ خطے میں امن و خوشحالی لائے گا: خسرو بختیار

بیجنگ: وفاقی وزیر منصوبہ بندی خسرو بختیار کا کہنا ہے کہ تجارت اور سرمایہ کاری میں اضافہ خطے میں امن اور خوشحالی لانے کا سبب بنے گا، 22 پراجیکٹس پر تیزی سے عملدر آمد ہو رہا ہے۔

تفصیلات کے مطابق وفاقی وزیر منصوبہ بندی خسرو بختیار نے بیجنگ میں ’بین الاقوامی تعاون کے لیے دوسری بلٹ اور روڈ فورم کے کنیکٹیوٹی پالیسی کے موضوعی اجلاس‘ سے خطاب کیا۔

خسرو بختیار کا کہنا تھا کہ تجارت اور سرمایہ کاری میں اضافہ علاقائی اور سماجی عدم مساوات کو کم کرنے اور خطے میں امن اور خوشحالی لانے کا سبب بنے گا۔

انہوں نے کہا کہ سی پیک کے پہلے مرحلے کو کامیابی کے ساتھ مکمل کرنے کے بعد ہم صنعتی تعاون، تجارت، زراعت اور سماجی و اقتصادی ترقی پر توجہ مرکوز کرتے ہوئے دوسرے مرحلے میں داخل ہو رہے ہیں۔

وفاقی وزیر کا کہنا تھا کہ تجارت اور سرمایہ کاری میں اضافہ علاقائی اور سماجی عدم مساوات کو کم کرنے اور خطے میں امن اور خوشحالی لانے کا سبب بنے گا۔ فی الحال 22 پراجیکٹس پر تیزی کے ساتھ عملدر آمد ہو رہا ہے۔

خسرو بختیار نے مزید کہا کہ وزیر اعظم عمران خان کے وژن کے تحت پاکستان فعال طور پر بی آر آئی انیشی ایٹو میں شامل ہے اور اس کا ایک اہم منصوبہ سی پیک صحیح سمت میں ترقی کر رہا ہے۔

The post تجارت اور سرمایہ کاری میں اضافہ خطے میں امن و خوشحالی لائے گا: خسرو بختیار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2PsAYci
via IFTTT