یہ بھی پڑھیں: عمران خان، آپ مجھے گرفتارنہیں کرسکتے: حمزہ شہباز

اسلام آباد: وزیرِ اعظم عمران خان نے امیر اور غریب کے لیے الگ الگ قانون پر ٹویٹ کرتے ہوئے حضور ﷺ کا فرمان شیئر کر دیا۔

سماجی رابطے کی ویب سائٹ ٹویٹر پر وزیر اعظم عمران خان نے لکھا کہ حضورﷺ کا فرمان ہے کہ نا انصافیوں کی وجہ سے کئی قومیں تباہ ہوئیں۔

اپنے ٹویٹر پیغام پر عمران خان نے لکھا ’آپ ﷺ نے فرمایا تباہی کی وجہ طاقت ور اور کم زور کے لیے الگ الگ قانون تھا۔

Our Prophet PBUH said: "Many nations before you were destroyed where there was one law for the powerful and another for the weak”.

— Imran Khan (@ImranKhanPTI) April 6, 2019

خیال رہے کہ آج آمدن سے زائد اثاثوں کے کیس میں احتساب عدالت کے حکم پر نیب ٹیم حمزہ شہباز کو گرفتار کرنے پہنچی تھی لیکن انھیں گرفتار کرنے میں نا کام رہی، لاہور ہائی کورٹ نے نیب کو پیر تک حمزہ شہباز کی گرفتاری سے روک دیا اور کہا حمزہ شہباز کو 8 اپریل تک گرفتار نہ کیا جائے۔

یہ بھی پڑھیں:  عمران خان، آپ مجھے گرفتارنہیں کرسکتے: حمزہ شہباز

لاہور ہائی کورٹ کے حکم اور نیب ٹیم کی واپسی کے بعد حمزہ شہباز نے میڈیا سے گفتگو کرتے ہوئے کہا ’عمران خان! کھلے الفاظ میں آپ کو بتا دینا چاہتا ہوں، آپ مجھے گرفتار نہیں کر سکتے۔‘

ہائی کورٹ کے تحریری فیصلے میں کہا گیا ہے کہ 2 رکنی بینچ 8 اپریل کو حمزہ شہباز کی درخواست ضمانت کی سماعت کرے گا، 8 اپریل کے بعد حفاظتی ضمانت غیر مؤثر تصور کی جائے گی، جب کہ حمزہ شہباز کی حفاظتی ضمانت کا حکم کیس پر اثر انداز نہیں ہوگا۔

The post امیر اور غریب کے لیے الگ الگ قانون پر وزیر اعظم کا ٹویٹ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2OSDecw
via IFTTT