پاکپتن : چھ سالہ بچی سے زیادتی، متاثرہ بچی اسپتال منتقل، ملزم فرار

پاکپتن : پنجاب میں معصوم بچی سے زیادتی کا ایک اور واقعہ سامنے آگیا، پینتالیس سالہ شخص نے چھ سال کمسن طالبہ کو اپنی ہوس کا نشانہ بنا ڈالا، واردات کے بعد ملزم فرار ہونے میں کامیاب ہوگیا۔

تفصیلات کے مطابق پنجاب کے ضلع پاکپتن میں چھ سالہ معصوم بچی سے زیادتی کا ایک اور واقعہ سامنے آیا ہے، متاثرہ بچی کو زخمی اسپتال منتقل کردیا گیا جہاں اسے طبی امداد فراہم کی جارہی ہے۔

پاکپتن کے نواحی علاقہ کلیانہ میں چھ سالہ کمسن بچی سے زیادتی کا ایک اور واقعہ رپورٹ ہوا ہے،45سالہ شخص نے چھ سال کی بچی سے مبینہ زیادتی کی جس کے بعد بچی کو حالت تشویشناک حالت میں اسپتال منتقل کیا گیا۔

اس حوالے سے پولیس کا کہنا ہے کہ تیسری جماعت کی طالبہ آمنہ کو گھرمیں اکیلا پاکر درندگی کا نشانہ بنایا گیا، ملزم موقع سے فرار ہوگیا جس کی گرفتاری کیلئے مختلف علاقوں میں چھاپے مارےجارہے ہیں۔

پولیس کا مزید کہنا ہے کہ میڈیکل رپورٹ میں لیڈی ڈاکٹر نے بچی سے زیادتی کی تصدیق کردی ہے، ملزم کے خلاف مقدمہ درج کرلیا گیا ہے۔

The post پاکپتن : چھ سالہ بچی سے زیادتی، متاثرہ بچی اسپتال منتقل، ملزم فرار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2KUslbP
via IFTTT