کراچی: سندھ حکومت نے رمضان المبارک میں مہنگائی پر قابو پانے کے لیے حکمت عملی تیار کرلی۔
تفصیلات کے مطابق سندھ حکومت نے رمضان میں مہنگائی پر قابو پانے کے لیے پلان تیار کرلیا، بیوپاریوں کو ماہ رمضان میں روزمرہ کی اشیا مہنگی نہ کرنے کی ہدایت جاری کی جائیں گی۔
صوبائی وزیر برائے پرائسسز اسماعیل راہو کا کہنا ہے کہ رمضان میں مہنگی اشیاء فروخت کرنے والوں کے خلاف کارروائی ہوگی، ڈپٹی کمشنر روزانہ کی بنیاد پر کارروائی کریں گے۔
اسماعیل راہو نے کہا کہ ڈی سیز کے دفاتر میں شکایتی سیل قائئم کیے جائیں گے، وفاقی حکومت نے مہنگائی کرکے عوام کا جینا محال کردیا ہے، عوام نے اس لیے اعتماد کیا تھا کہ وہ مہنگائی بم گرائیں۔
صوبائی وزیر اسماعیل راہو نے دعویٰ کیا کہ ملک کے تمام بڑے بیوپاری وفاقی وزراء کے قریبی دوست ہیں۔
مزید پڑھیں: وزیراعظم کی ماہ رمضان میں عوام کو سستی اورمعیاری اشیاء کی فراہمی کیلئے ہدایات جاری
واضح رہے کہ چند روز قبل وفاقی حکومت نے ماہ رمضان میں سیکیورٹی، پرائس کنٹرول اور عوام کو سستی اور معیاری اشیاء کی فراہمی یقینی بنانے کیلئے وزارت داخلہ کو ہدایت جاری کی تھیں۔
مراسلہ کے مطابق کنٹرول پرائس کمیٹی کے افسران کو مجسٹریٹ کے اختیارات حاصل ہوں گے، کنٹرول پرائس افسران موقع پر ہی گراں فروشوں کےخلاف کارروائی کرسکیں گے۔
یاد رہے کہ رمضان المبارک میں بیوپاریوں کی جانب سے اشیائے خوردونوش کی قیمتیں دگنی کردی جاتی ہیں جس کے سبب عوام مہنگے داموں اشیاء کی خریداری پر مجبور ہوتے ہیں۔
The post رمضان میں مہنگائی پر قابو پانے کے لیے سندھ حکومت کی حکمت عملی تیار appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar http://bit.ly/2UrtDzz
via IFTTT
No comments:
Post a Comment