راولپنڈی: آرمی چیف جنرل قمر جاوید باجوہ سے امریکی فوج کے جنرل کینتھ کی سربراہی میں وفد نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید سے امریکی وفد نے ملاقات کی، امریکی وفد کی قیادت سینٹ کام کے کمانڈر جنرل کینتھ میکنزی نے کی۔
آئی ایس پی آر کے مطابق ملاقات میں جیو اسٹریٹیجک صورت حال، علاقائی سیکیورٹی پر گفتگو کی گئی، افغانستان کی صورت حال، پاک بھارت کشیدگی پر بھی بات چیت کی گئی۔
واضح رہے کہ گزشتہ روز آرمی چیف سے امریکی کارنل یونیورسٹی کے طلباء کے وفد نے ملاقات کی تھی، آئی ایس پی آر کا کہنا تھا کہ امریکی طلباء نے لاہور، ہنزہ، پارلیمنٹ اور اسلام آباد کا بھی دورہ کیا تھا۔
مزید پڑھیں: نوجوان مستقبل کی قیادت ہیں: آرمی چیف
آرمی چیف جنرل قمرجاوید باجوہ کا کہنا تھا کہ دہشت گردی کے خلاف جنگ میں نوجوانوں کی بہادری سے کامیابیاں ملیں، نوجوان ترقی میں بھرپورکردار ادا کر رہے ہیں۔
امریکی طلباء کا اپنی گفتگو میں کہنا تھا کہ پاکستان ایک خوبصورت اور پرامن ملک ہے، یہاں سے حسین یادیں لے کر جا رہے ہیں، امریکا میں پاکستان کی حقیقی تصویرکی عکاسی کریں گے.
یاد رہے کہ چند روز قبل آرمی چیف سے امریکا کے نمائندہ خصوصی برائے افغان مصالحتی عمل زلمے خلیل زاد نے بھی ملاقات کی تھی۔
The post آرمی چیف سے امریکی سینٹ کام کمانڈر کی وفد کے ہمراہ ملاقات، اہم امور پر تبادلہ خیال appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar http://bit.ly/2UmkSGW
via IFTTT
No comments:
Post a Comment