ورلڈ کپ اور دورہ انگلینڈ کے لیے ٹیم کا اعلان کب کیا جائے گا؟

لاہور: چیف سلیکٹر 18 اپریل کو ورلڈکپ اوردورہ انگلینڈ کے لیےٹیم کا اعلان کریں گے.

تفصیلات کے مطابق ورلڈکپ قومی کرکٹ ٹیم کے انتخاب کے لیے سلیکشن کمیٹی اجلاس کا شیڈول جاری ہوگیا، کمیٹی کا اجلاس 15، 16 اور 17 اپریل کو نیشنل کرکٹ اکیڈمی میں ہوگا.

محمد عامرکو ورلڈکپ سے قبل میچز میں اپنی افادیت ثابت کرنی ہوگی

پی سی بی ذرائع چیئرمین پی سی بی نے 18 کھلاڑی انگلینڈ بھجوانے کی منظوری دے دی، قومی سلیکشن کمیٹی کھلاڑیوں کے جسمانی ٹیسٹ کی خود نگرانی کرے گی، مزید 7 کھلاڑیوں کوفٹنس ٹیسٹ کے لیے طلب کرنے کا فیصلہ کیا گیا ہے.

اس ضمن میں وہاب ریاض، عمر اکمل، احمد شہزاد، افتخار احمد کو بھی ٹیسٹ کےلیے طلب کرنے پر غور کیا گیا، فاسٹ باؤلر محمد عامر کو ابتدائی اسکواڈ میں شامل کیا جائے گا.

پی سی بی ذرائع کے مطابق محمد عامرکو ورلڈکپ سے قبل میچز میں اپنی افادیت ثابت کرنی ہوگی، وہاب ریاض میگا ایونٹ کے لیے مضبوط امیدوار ہوں گے، عابدعلی، آ صف علی، محمد حسین کو ابتدائی طور پرانگلینڈ بھجوانے کا امکان ہے، جب کہ عماد وسیم، محمدحفیظ کو اسکواڈ میں شمولیت کے لیے فٹنس ٹیسٹ کلیئرکرنا ہوگا.

The post ورلڈ کپ اور دورہ انگلینڈ کے لیے ٹیم کا اعلان کب کیا جائے گا؟ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2Ind8wU
via IFTTT