بھارت انسانی حقوق کی تنظیموں کو کشمیر کا دورہ کیوں نہیں کرنے دے رہا، شاہ محمود قریشی

نیویارک: وزیرخارجہ شاہ محمود قریشی کا کہنا ہے کہ بھارتی موقف اگر سچ ہے توعالمی میڈیا کو کشمیرآنے سے کیوں روکا جا رہا ہے۔

تفصیلات کے مطابق وزیرخارجہ شاہ محمود قریشی نے صدرجنرل اسمبلی تجانی محمد باندے سے ملاقات کی۔ وزیر خارجہ نے منصب سنبھالنے پر تجانی محمد باندے کومبارک باد دی۔

شاہ محمود قریشی نے کہا کہ غربت اور بے روزگاری سے نمٹنے کے لیے کوشاں ہیں، حکومت پاکستان نےغربت کے خاتمے کے لیے’’احساس پروگرام‘‘ تشکیل دیا۔

انہوں نے کہا کہ 5 دہائیوں بعد 16 اگست کو مسئلہ کشمیر سیکورٹی کونسل میں زیر بحث آیا، مقبوضہ کشمیر میں بھارتی مظالم کے خلاف کھل کرآواز اٹھائی گئی۔

وزیرخارجہ نے کہا کہ بھارتی موقف اگرسچ ہے توعالمی میڈیا کوکشمیرآنے سے کیوں روکا جا رہا ہے۔

شاہ محمود قریشی نے کہا کہ بھارتی اپوزیشن وفد کو سری نگر ایئرپورٹ سے واپس کیوں بھجوایا جاتا ہے، بھارت انسانی حقوق کی تنظیموں کو دورہ کیوں نہیں کرنے دے رہا۔

وزیرخارجہ شاہ محمود قریشی نے صدرجنرل اسمبلی تجانی محمد باندے کو دورہ پاکستان کی بھی دعوت دی۔

مقبوضہ کشمیر میں کرفیو کا 54 واں روز

مقبوضہ کشمیر میں آج مسلسل 54ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

The post بھارت انسانی حقوق کی تنظیموں کو کشمیر کا دورہ کیوں نہیں کرنے دے رہا، شاہ محمود قریشی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2lZnWsx
via IFTTT