‘عمران خان آپ میرے ہیرو ہیں ،اللہ آپ کو سلامت رکھے’

اسلام آباد : عظیم گالف پلیئر گیری پلیئر نے وزیراعظم عمران خان کو خراج تحسین پیش کرتے ہوئے کہا عمران خان مجھے آپ پر فخر ہے، آپ میرے ہیرو ہیں اور آپ کی لیڈر  شپ صلاحیت کا مداح ہوں۔

تفصیلات کے مطابق عظیم گالف پلیئر گیری پلیئر نے اپنے ویڈیو پیغام میں وزیراعظم عمران خان کو خراج تحسین پیش کرتے ہوئے کہا مجھے معلوم ہے کہ آپ کو کئی چیلنجز کا سامنا ہے ، آئندہ 2سال میں اپنی قائدانہ صلاحیتوں سے ملک کو آگے لیکر جائیں گے۔

گیری پلیئر کا کہنا تھا کہ وزیراعظم عمران خان کی لیڈرشپ صلاحیت کا مداح ہوں ، ان کاخطے میں کردار قابل تعریف ہے۔

عظیم گالف پلیئر نے مزید کہا عمران خان آپ میرے ہیرو ہیں ،اللہ آپ کو سلامت رکھے، نیلسن منڈیلا کی طرح آپ بھی اپنے ملک کی بھرپور خدمت کر رہے  ہیں، میری تمام تر توانائیاں عمران خان کے ساتھ ہیں۔

یاد رہے اقوام متحدہ میں خطاب کے بعد وزیراعظم عمران خان کی مقبولیت میں اضافہ ہوا اور ان کے تاریخی خطاب کو دنیا بھر میں پذیرائی ملی ہے۔

وزیر اعظم عمران خان نے جنرل اسمبلی کے اہم خطاب میں دنیا کو واضح کیا تھا کہ اگر پاکستان اور بھارت کے درمیان روایتی جنگ کا آغاز ہوگیا تو اس کے پوری دنیا پر بھیانک اثرات مرتب ہوں گے۔

انہوں نے کہا تھا کہ اسلامی معاشرے میں ایسا سوچا بھی نہیں جاسکتا ہے، اقلیت سے اچھا سلوک نہ کرنا اسلامی تعلیمات کے برعکس ہے، ہولوکاسٹ کے بارے میں احتیاط کی جاتی ہے کہ یہودیوں کو تکلیف ہوتی ہے، ہم چاہتے ہیں اللہ کے رسول کی عزت کی جائے۔

The post ‘عمران خان آپ میرے ہیرو ہیں ،اللہ آپ کو سلامت رکھے’ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2o4eiFH
via IFTTT