کراچی: صوبہ سندھ کے دارالحکومت کراچی میں آج سہ پہر کے اوقات میں ہلکی بارش کا امکان ہے، کراچی سمیت سندھ کے مختلف علاقوں میں اگلے 3 روز تک ہلکی بارشوں کا سلسلہ جاری رہے گا۔
تفصیلات کے مطابق ڈائریکٹر محمکہ موسمیات نے اے آر وائی نیوز سے خصوصی گفتگو کرتے ہوئے بتایا کہ مغربی ہواؤں کا سلسلہ ایران کے راستے صوبہ بلوچستان میں داخل ہوا۔
اس کے باعث پہلے گوادر میں بارش ہوئی، اس کے بعد سینٹرل بلوچستان، مشرقی بلوچستان اور بالائی سندھ کے کچھ علاقوں لاڑکانہ، جیکب آباد اور موہنجو دڑو میں ہلکی بارش ہوئی۔
ڈائریکٹر محکمہ موسمیات کے مطابق کراچی میں بھی رات گئے بارش ہوئی، سب سے زیادہ 10ملی میٹر بارش مسرور بیس میں ریکارڈ کی گئی۔
ان کا کہنا ہے کہ بارش کا یہ سسٹم 2 سے 3 روز تک ان علاقوں میں فعال رہے گا، اس دوران کراچی سمیت بالائی اور زیریں سندھ اور مشرقی بلوچستان کے کچھ علاقوں میں بارش کا امکان ہے۔
محکمہ موسمیات کے مطابق یہ بارش کہیں ہلکی، کہیں ذرا سی تیز، اور کہیں پر گرج چمک کے ساتھ ہوگی، تیز ہونے والی بارش کا دورانیہ مختصر وقت کے لیے ہوگا۔
محکمہ موسمیات کا کہنا ہے کہ بارشوں کا یہ سلسلہ اگلے 3 روز یعنی جمعہ، ہفتہ اور اتوار تک جاری رہے گا۔
The post کراچی والے ہوشیار! شہر میں اگلے 3 دن تک پھر بارشوں کا امکان appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/355N2aU
via IFTTT
No comments:
Post a Comment