بے گھر خاتون کے گانے کی ویڈیو وائرل، ریکارڈنگ کی پیشکش

واشنگٹن : امریکا میں سب وے اسٹیشن پر رہنے والی ایک خاتون کی گانا گاتے ہوئے ویڈیو بنائی گئی جو انٹرنیٹ پر تیزی سے وائرل ہوئی ہے اورجسے ابتک لاکھوں افراد دیکھ چکے ہیں۔

تفصیلات کے مطابق سوشل میڈیا پر وائرل ہونے والی ویڈیو ایک پولیس افسر نے بنائی ہے جس میں مس ایملی زمورکا نامی ایک بے گھر خاتون اوپرا کا مشہور گانا گارہی ہے، سوشل میڈیا پر یہ ویڈیو بڑی تعداد میں دیکھی اور شیئر کی گئی اور لوگوں نے اسے باقاعدہ طور پر گانے کا مشورہ دیا۔

4 million people call LA home. 4 million stories. 4 million voices…sometimes you just have to stop and listen to one, to hear something beautiful. pic.twitter.com/VzlmA0c6jX

— LAPD HQ (@LAPDHQ) September 27, 2019

اس کے بعد گریمی ایوارڈ کےلیے نامزد ہونے والے مشہور موسیقار جوئل ڈائمنڈ نے اس خاتون کو گانا ریکارڈ کرانے کی پیشکش کی ہے جو بلاشبہ ایک بڑا اعزاز ہے،اس کے بعد جوئل اس ایملی کے کئی گیتوں پر مشتمل ’پیراڈائز‘ نامی ایک البم ریلیز کریں گے جسے ان کی کمپنی سلور بلیو ریکارڈز جاری کرے گی۔

اس شہرت کے بعد بےگھرایملی زمورکا نے کہا کہ اسے یقین نہیں آرہا کہ وہ اتنی مشہور ہوچکی ہیں، اس نے بتایا کہ نہ اس کے پاس فون ہے اور نہ ہی انٹرنیٹ تھا۔ اس کے بعد ایک صاحب نے اسے فون دیا تو پورے امریکا سے لوگوں نے زمورکا کو فون کیا اور اسے کہا کہ آپ بہت مشہور ہوچکی ہیں۔

امریکی میڈیا کا کہنا تھا کہ اس کے بعد انٹرنیٹ پر چندے کی مہم چلائی گئی ہے جس کا مقصد زمورکا کے لیے ’گوفنڈ می‘ نامی ویب سائٹ پر فنڈ جمع کرنا تھا اور اب تک 70 ہزار ڈالر کی رقم جمع ہوچکی ہے۔

غیر ملکی خبر رساں ادارے کا کہنا تھا کہ زمورکا گلوکارہ اور موسیقارہ تھیں لیکن جب وہ روس سے امریکا آئیں تو ان پر مشکل وقت آیا اور کسی نے ان کا وائلن بھی چرالیا، اس کے بعد وہ خاموش ہوگئیں اور سڑکوں پر رہنا شروع کردیا تھا تاہم آج قسمت کی دیوی پھر ان پر مہربان ہوئی ہے۔

The post بے گھر خاتون کے گانے کی ویڈیو وائرل، ریکارڈنگ کی پیشکش appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2VaRuQW
via IFTTT