عمران خان کو ہٹانے کی کوشش پر فضل الرحمان نےمنہ کی کھائی، فواد چوہدری

اسلام آباد : وزیر سائنس اینڈ ٹیکنالوجی فواد چوہدری کا کہنا ہے کہ اختیارات چھیننے کی کوشش کریں گے تو معاملات خراب ہوں گے ، عمران خان کو ہٹانے کی کوشش پر مولانافضل الرحمان نےمنہ کی کھائی ، پاکستان میں لیڈر صرف وزیراعظم عمران خان ہی ہیں۔

تفصیلات کے مطابق وزیر سائنس اینڈ ٹیکنالوجی فواد چوہدری نے کہا ہے کہ ترمیم کے معاملے پرابھی سپریم کورٹ کا تحریری فیصلہ آئے گا ، دیکھا جائے گا کہ آئین میں نظرثانی کی جائے یا ترمیم کی ضرورت ہے، آج پورے ایوان کی پارلیمانی کمیٹی کا اجلاس ہورہاہے، امید ہے تمام امور پر اتفاق رائے ہو جائے گا۔

فواد چوہدری کا کہنا تھا کہ ہم آپس میں لڑتے ، اختیارات چھیننے کی کوشش کریں گے تو معاملات خراب ہوں گے ، جمہوریت میں حکومت اور اپوزیشن کو اپنا کردار ادا کرنا ہوتا ہے۔

نواز شریف کے حوالے سے وفاقی وزیر نے کہا نوازشریف کے ڈاکٹرز کہتے ہیں کہ بیمار ہیں تو صحیح کہتے ہوں گے، ہمارا مؤقف صرف یہ تھا جو سہولت ان کوملی وہ سب کو ملنی چاہیے، نوازشریف کی بیماری پر ہمیں اعتراض نہیں اللہ انھیں صحت دے، ہمارااعتراض نوازشریف کو علاج کیلئے باہرجانےکی سہولتوں پر تھا۔

ان کاکہنا تھا کہ امید ہے الیکشن کمیشن ممبران ، چیف الیکشن کمشنر کے معاملے پراتفاق ہوجائے گا ، پہلے ایسے موضوعات کو اٹھایاجارہا ہے، جن میں فاصلے کم ہیں۔

فواد چوہدری نے کہا کہ عمران خان کو ہٹانے کی کوشش پر مولانافضل الرحمان نےمنہ کی کھائی، پاکستان میں لیڈر صرف وزیراعظم عمران خان ہی ہیں اور بلاول کی پارٹی اب سکر کر صرف اندرون سندھ کی جماعت رہ گئی ہے۔

فیاض الحسن چوہان سے متعلق وفاقی وزیر کا کہنا تھا کہ فیاض الحسن چوہان تگڑے آدمی ہیں ان سے اچھی چوائس نہیں ہے، میرانہیں خیال وزیراطلاعات پنجاب کیلئے فیاض الحسن جیسا کوئی اور موجود ہے۔

انھوں نے مزید کہا کہ بیوروکریٹس نےلمبے عرصہ اقتدار میں رہنےوالوں کیساتھ کام کیا ہوگا، بیوروکریٹس کارکردگی کی بنیاد پر رہیں گے اور کام کرتے رہیں گے، سیاست بہتے دریا کی طرح ہے روزانہ کی حکمت عملی بناکرچلناپڑتاہے ، اداروں میں برابری کی سطح پر کام جاری ہے ان کی حوصلہ افزائی کرنا ہوگی۔

طلبہ یونین کے حوالے سے فواد چوہدری کا کہنا تھا کہ طلبہ یونینز ایسی ہونی چاہیے طلبہ کے مسائل کے حل کیلئے کردارادا کرے ،ایسی طلبہ یونینز نہیں چاہئیں جوجتھوں کاکردار،بھتےوصولی جیسے کام کرے۔

وفاقی وزیر سائنس اینڈ ٹیکنالوجی نے کہا بھارت خلا میں سب سے زیادہ آلودگی پھیلانے کی وجہ ہے ، بھارت کاغیرذمہ دارانہ خلائی مشنزایکوسسٹم کیلئےخطرناک ہے ، بین الاقوامی آرگنائزیشنزکوسختی سےنوٹس لینےکی ضرورت ہے۔

ان کا مزید کہنا تھا کہ ایکو سسٹم کا تعلق پوری دنیاسےہے، بھارت سیاسی مشہوری کیلئے سائنسی معاملات پر غیرسنجیدگی دکھارہاہے، مودی سرکار سائنس کی ترقی نہیں بلکہ سیاست چمکانے کیلئے کام کررہی ہے۔

The post عمران خان کو ہٹانے کی کوشش پر فضل الرحمان نےمنہ کی کھائی، فواد چوہدری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2RksA1z
via IFTTT