یہ بھی پڑھیں: پی آئی سی حملہ: مفاہمت کے لیے کوشش کی جائے گی، یاسمین راشد

لاہور: صوبائی وزیر صحت ڈاکٹر یاسمین راشد نے اپنے ایک بیان میں انکشاف کیا ہے کہ قیام پاکستان سے اب تک 2 لاکھ 75 ہزار ڈاکٹرز نے ڈگری حاصل کی ہے۔

تفصیلات کے مطابق وزیر صحت پنجاب یاسمین راشد نے کہا ہے کہ جب سے پاکستان بنا ہے تب سے اب تک میڈیکل کالجز نے ڈھائی لاکھ سے زیادہ ڈاکٹر بنائے، ڈاکٹرز کا اصل امتحان پریکٹیکل لائف میں شروع ہوتا ہے۔

یاسمین راشد کا کہنا تھا کہ ڈاکٹرز عید کے دن بھی مریضوں کو اپنی خدمات پیش کریں، ڈاکٹرز کا بنیادی فریضہ دکھی انسانیت کی خدمت ہے۔ انھوں نے کہا کہ شعبہ صحت کے حالات بہتر کرنے کے لیے ہم دن رات محنت کر رہے ہیں۔

یہ بھی پڑھیں:  پی آئی سی حملہ: مفاہمت کے لیے کوشش کی جائے گی، یاسمین راشد

صوبائی وزیر کا کہنا تھا کہ ڈاکٹرز کی زندگی مسلسل ایک امتحان سے گزرتی ہے، لیکن ہمیں اکثر ڈاکٹرز کی یہ شکایت موصول ہو رہی ہے کہ وہ موبائل فون میں مصروف رہتے ہیں اور مریضوں پر ان کی توجہ کم ہوتی ہے۔

انھوں نے کہا کہ میں ڈاکٹرز کی جنگ لڑنے کے لیے تیار ہوں، لیکن ڈاکٹرز مریضوں کا خیال رکھ کر میری جنگ لڑیں۔

یاد رہے کہ گزشتہ ہفتے ڈاکٹر یاسمین راشد نے پی آئی سی پر وکلا کے حملے کے معاملے میں کہا تھا کہ اس حملے کے باوجود ڈاکٹرز نے بتایا کہ وہ انسانیت کی خدمت کر رہے ہیں، اور انھوں نے اسپتالوں میں ہڑتال نہیں کی۔

The post قیام پاکستان سے اب تک کتنے ڈاکٹرز نے ڈگری حاصل کی؟ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Q7kGq1
via IFTTT