سری نگر: مقبوضہ کشمیرمیں بھارت کی ریاستی دہشت گردی کا سلسلہ جاری ہے، کشمیر میڈیا سروسز کے مطابق بھارتی فورسز نے باندی پورہ اورشوپیاں میں نام نہاد سرچ آپریشن کے دوران چارکشمیری نوجوانوں کوشہید کردیا۔
کشمیر میڈیا سروس کی رپورٹ کے مطابق بھارتی فورسز نے مقبوضہ کشمیر کے مختلف علاقوں میں آپریشن کے نام پر دو روز کے دوران 7 کشمیری نوجوانوں کو شہید کیا۔
رپورٹ کے مطابق مقبوضہ کشمیر کے علاقے شوپیاں میں نام نہاد آپریشن کے دوران بھارتی فوج نے فائرنگ کر کے دو بے گناہ کشمیری نوجوانوں کو شہید کردیا جبکہ متعدد نوجوانوں کو گرفتار کر کے نامعلوم مقام پر منتقل کردیا گیا۔
جواں سال معلم رضوان پنڈت کی بہیمانہ حراستی ہلاکت سے کشمیر ایک بار پھر غمزدہ اور ماتم کدہ ۔ مظلوم کشمیری عوام خاص کر نوجوان شدید عدم تحفظ کے شکار۔ ظلم و جارحیت کا یہ نہ تھمنے والا سلسلہ آخر کب بند ہوگا! pic.twitter.com/cu6bWY4ka4
— Mirwaiz Umar Farooq (@MirwaizKashmir) March 20, 2019
دوسری جانب باندی پورہ کے علاقے میں بھی قابض فورسز نے گھرگھر تلاشی کے نام پر دو کشمیری نوجوانوں کو گھروں سے باہر نکال کر گولیوں سے بھون دیا۔
کشمیری نوجوانوں کی شہادت کے بعد شوپیاں اور باندی پورہ سمیت مختلف علاقوں میں غیر اعلانیہ کرفیو نافذ کردیا گیا جبکہ کٹھ پتلی انتظامیہ نے علاقے میں موبائل فون اور انٹرنیٹ سروس بھی بند کردی۔
نوجوانوں کی شہادت کے بعد کشمیریوں نے بڑی تعداد سڑکوں پر نکل کر احتجاج کیا جنہیں منتشر کرنے کے لیے بھارتی فوج نے اندھا دھند فائرنگ کی جس کے نتیجے میں متعدد نوجوان زخمی ہوئے۔
حریت رہنماؤں نے کشمیریوں کی شہادت پر افسوس کا اظہار کرتے ہوئے عالمی دنیا سے اپیل کی ہے کہ وہ دخل اندازی کر کے بھارت کے مظالم کو فی الفور بند کروائے۔ میر واعظ عمر فاروق نے شہید نوجوان اور استاد رضوان کی تصویر شیئر کی اور لکھا کہ بھارتی فورسز کی حراست میں نوجوان کو شہید کردیا گیا، آخر یہ سلسلہ کب تک جاری رہے گا۔
While repression,killings and arbitrary arrests continue unabated,for the 3rd time this month #JamaMasjid put under lockdown and Friday prayers disallowed. Condemn the authorities for this religious assault. pic.twitter.com/r71juBplcn
— Mirwaiz Umar Farooq (@MirwaizKashmir) March 22, 2019
انہوں نے ایک اور ٹویٹ میں آگاہ کیا کہ رواں ماہ میں تیسری بار بھارتی فورسز نے جامعہ مسجد میں نماز جمعہ کی ادائیگی سے رود دیا جبکہ متعدد نمازیوں کو حراست میں بھی لیا۔
The post مقبوضہ کشمیر میں بھارتی مظالم، استاد سمیت 4 نوجوان شہید، نمازِ جمعہ کی ادائیگی پر پابندی appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2Cyr5o9
via IFTTT
No comments:
Post a Comment