صرف ہفتے دس دن میں پاکستان میں نوکریوں کی بارش ہونے والی ہے،فیصل واوڈا

اسلام آباد : وفاقی وزیر فیصل واوڈا کا کہنا ہے کہ صرف ہفتے دس دن میں پاکستان میں نوکریوں کی بارش ہونے والی ہے، ملک میں نوکریاں زیادہ ہو جائیں گی اور نوکریوں کے خواہش مند کم پڑ جائیں گے۔

تفصیلات کے مطابق وفاقی وزیر فیصل واﺅڈا نے انکشاف کیا ہے کہ ہفتے دس دن میں ملک میں نوکریاں زیادہ ہو جائیں گی اور نوکریوں کے خواہش مند کم پڑ جائیں گے، چند ہفتوں میں حالات اتنے اچھے ہو جائیں گے کہ پان سگریٹ والے بھی آکر کہیں گے کہ آﺅ ہم سے ٹیکس لے لو۔

وفاقی وزیر کا کہنا تھا غیب کا علم صرف اللہ تعالیٰ کو ہے، وہ غیب کا کچھ نہیں بتا سکتے، حمزہ شہباز کی گرفتاری کے معاملے کی منطق میری سمجھ سے بالاتر ہے ۔

انہوں نے کہاکہ اگر ہم ٹیکس میں تاجروں کو آسانیاں دیں گے تو پوری دنیا سے پاکستان بزنس آئے گا جب حکومت ترقی کے لئے سخت فیصلے لیتی ہے تو احتساب و ٹیکس کا نظام واضح کام کرتا ہے، اداروں کے اندر بھی ہم نے ن لیگ کے لوگ پکڑے ہیں جو حکومت کو کمزور کر رہے تھے ۔

مزید پڑھیں : گزشتہ حکومت نےقرضوں کاجوبوجھ چھوڑاانشااللہ ختم کریں گے، فیصل واوڈا

یاد رہے چند روز قبل وفاقی وزیر کا کہنا تھا گزشتہ حکومت نےقرضوں کاجوبوجھ چھوڑاانشااللہ ختم کریں گے، حکومت کووراثت اورجہیزمیں لمبےچوڑےقرضے ملے، جن قرضوں کاسوددےرہےوہ پی ٹی آئی نےنہیں لیے، حکومت عوام کوہرمعاملےپراعتمادمیں لےرہی ہے۔

The post صرف ہفتے دس دن میں پاکستان میں نوکریوں کی بارش ہونے والی ہے،فیصل واوڈا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar http://bit.ly/2uV2XI8
via IFTTT