نئی دہلی: بھارت میں ایک اور تربیتی طیارہ گر کر تباہ ہوگیا جس کے نتیجے میں 2 پائلٹ ہلاک ہوگئے۔
غیرملکی خبررساں ادارے کے مطابق بھارتی ریاست تلنگانہ میں تربیتی طیارہ گر کر تباہ ہوگیا جس کے نتیجے میں طیارے میں سوار 2 ٹرینی پائلٹ ہلاک ہوگئے۔
رپورٹ کے مطابق تربیتی طیارہ زرعی میدان میں گر کر تباہ ہوا، طیارہ حادثے کی وجوہات فوری طور پر معلوم نہیں ہوسکی ہیں۔
ہلاک ہونے والے ایک پائلٹ کی شناخت پرکاش وشال کے نام سے ہوئی ہے جبکہ دوسری خاتون پائلٹ کی شناخت نہیں ہوسکی ہے۔
Telangana: Pilot killed in trainer aircraft crash at Sultanpur village in Vikarabad district. pic.twitter.com/b7bNfDmIss
— ANI (@ANI) October 6, 2019
واضح رہے کہ 27 ستمبر کو بھارتی فوج کا ہیلی کاپٹر بھوٹان میں گر کر تباہ ہوگیا تھا جس کے نتیجے میں 2 پائلٹ ہلاک ہوگئے تھے۔
مزید پڑھیں: بھارتی فوج کا ہیلی کاپٹر گرکر تباہ، 2 پائلٹ ہلاک
ہیلی کاپٹر میں بھارتی آرمی ایوی ایشن کورپس کے لیفٹیننٹ کرنل اور بھوٹانی فوج کا کیپٹن سوار تھے۔
یاد رہے کہ 25 ستمبر کو بھی بھارتی ایئرفورس کا طیارہ گوالیار ایئربیس کے قریب گر کر تباہ ہوگیا تھا، طیارے میں سوار دونوں پائلٹ باحفاظت نکلنے میں کامیاب ہوگئے تھے۔
خیال رہے کہ پاک فضائیہ کے جوانوں نے رواں برس 27 فروری کو بھارتی ایئرفورس کا ایک مگ 21 اور ایس یو 30 جنگی طیارے مار گرائے تھے۔
The post بھارت میں تربیتی طیارہ گر کر تباہ، 2 پائلٹ ہلاک appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2LTy4xb
via IFTTT
No comments:
Post a Comment